अलगधार

मकवानपुर । डेङ्गु सङ्क्रमणबाट चार जनाको मृत्यु भएको छ । इपिडिमियोलोजी तथा रोग नियन्त्रण महाशाखा (इडिसिडी)का अनुसार डेङ्गु सङ्क्रमणबाट चार जनाको मृत्यु भएको छ । सोही समयमा देशका ७५ जिल्लाबाट पाँच हजार ८७४ जनामा डेङ्गु सङ्क्रमण पुष्टि भएको कीटजन्य शाखाका प्रमुख डा.गोकर्ण दाहालले जानकारी दिनुभयो । उहाँका अनुसार डोल्पा र मनाङ गरी दुई जिल्लामा हालसम्म डेङ्गुु सङ्क्रमण पुष्टि भएको छैन । डेङ्गु सङ्क्रमण सबैभन्दा बढी गण्डकी प्रदेशमा पुष्टि भएको छ । गण्डकी प्रदेशमा एक हजार ५०२ जनामा डेङ्गु पुष्टि भएको छ । त्यसैगरी बागमतीमा एक हजार ३८०, कोशीमा ८०३, लुम्बिनीमा ९९१, सुदूरपश्चिममा ६८४, कर्णालीमा ३९० र मधेशमा १२४ जनामा डेङ्गु…

मकवानपुर । मुस्ताङ घुम्न आउनुभएकी तिलु रानाले परिवारका सदस्ये हिमाली भेगको पोसाक बख्खु लगाएर तस्बिर, भिडियो खिच्ने खिचेको १५ सय रूपियाँ तिर्नुभयो । दसैँ तिहारको बिदामा परिवारसँगै मुस्ताङको भ्रमणमा निस्किनुभएका प्रेम सेञ्चुरीले १ सय ५० रूपियाँ शुल्क तिरेर याकको डमीमा चढेर तस्विर खिचाउनुभयो । घरपझोङ गाउँपालिका–२ मा रहेको मार्फा गाउँ मुस्ताङ घुम्न जाने स्वदेशी पर्यटकहरूले गल्लीमा हिमाली भेगको पोशाकमा सजिएर तस्बिर, भिडियो बनाउँदै सामाजिक सञ्जाल, टिकटकमा राख्ने गर्छन् । एक पटक बख्खु लगाएको २ सय देखि ३ सय रुपियाँ भाडा तिर्नुपर्छ । समुहमा आउनेलाई स्थानीय व्यवसायीले समेत छुट दिने गरेका छन् । बेनी–जोमसोम सडकखण्ड अन्तर्गत जोमसोम, मुक्तिनाथ र उपल्लो मुस्ताङ…

मकवानपुर । धनकुटाका दुई पालिकाले अस्थायी र करार सेवामा कार्यरत कर्मचारीको नियुक्ति र सम्झौता रद्द गरेको छ । महालक्ष्मी नगरपालिका र छथरजोरपाटी गाउँपालिकाले स्वास्थ्यकर्मी, शिक्षक तथा अन्य अस्थायी र करार सेवामा कार्यरत कर्मचारीको नियुक्ति र सम्झौता रद्द गरेका हुन् । महालक्ष्मी नगरपालिकाले शुक्रबार र छथरजोरपाटी गाउँपालिकाले विज्ञप्ति निकाल्दै कर्मचारी हटाउने निर्णय गरेको जनाएका छन् । छथरजोरपाटी गाउँपालिकाका प्रमुख प्रशासकीय अधिकृत महेन्द्रबहादुर घिमिरेले हस्ताक्षर गरेको विज्ञप्तिअनुसार कार्य सम्झौता खारेज भएको छ । त्यस्तै, महालक्ष्मी नगरपालिकाका प्रमुख प्रशासकीय अधिकृत चुडामणि गुरागाईले हस्ताक्षर गरेको विज्ञप्तिमा उल्लेख भएअनुसार आउँदो कात्तिक १ गतेदेखि सम्झौता खारेज हुने जनाइएको छ । सङ्घीय मामिला तथा सामान्य प्रशासन मन्त्रालयले…

मकवानपुर । बाँकेमा विशेष मतदाता नामावली सङ्कलन तथा अद्यावधिक कार्य सुरु भएपछि हालसम्मको अवधिमा चार सय १५ जना नयाँ मतदाता थपिएका छन् । जिल्ला निर्वाचन कार्यालय बाँकेका अनुसार असोज महिनाको पहिलो सातादेखि सुरु भएको विशेष नामावली सङ्कलनमा हालसम्म सो सङ्ख्यामा नयाँ मतदाता थपिएका हुन् । जिल्ला निर्वाचन अधिकारी टेकबहादुर शाहीका अनुसार दर्ता गराउनेमध्ये अधिकांश युवापुस्ताका छन् । उहाँले भन्नुभयो, ‘नामावली सङ्कलन दैनिक रूपमा बढ्दै गएको छ । त्यसमा पनि ३५ वर्ष मुनिका उमेर समूहका व्यक्तिहरूको सहभागिता बढी छ ।’ निर्वाचन कार्यालयले असोज ६ गतेदेखि स्थानीय तहहरूलाई पत्राचार गरी मतदाता नामावली सङ्कलन तथा अद्यावधिक कार्य अघि बढाएको हो । कार्यालयले नागरिकता…

मकवानपुर । गुल्मीको रुद्रवेणी-वामीटक्सार सडक अवरुद्ध भएको छ। यस जिल्लाको सत्यवती गाउँपालिका वडा ६, बोटेगाँउिस्थित रुद्रवेणी-वामीटक्सार सडक खण्डमा सुख्खा पहिरोको खस्द सडक अवरुद्ध भएको जिल्ला प्रहरी कार्यालय गुल्मीले जनाएको छ। जिल्ला प्रहरी कार्यालय गुल्मीका अनुसार यस सडक खण्डमा सडक माथिबाट रूख सहितको सुख्खा पहिरो खस्न गई बाटो पुर्णरुपमा अवरोध भएको हो। पहिरो खसेको खबर प्राप्त हुनासाथ उक्त स्थानमा इलाका प्रहरी कार्यालय जोहाङ गुल्मीबाट प्रहरी नायब निरीक्षक नरेन्द्र वि.क.को कमाण्डमा प्रहरी टोली खटिएको छ। स्थानीय सरकार, स्थानीय मानिसहरू, सवारी संचालकहरु, यात्रुहरु समेतको सहकार्यमा पहिरो हटाउने कार्य भैरहेको छ। एकतर्फी सडक सञ्चालन भएका छन् ।

मकवानपुर । बबई गाउँपालिकाभित्र रहेका सामुदायिक वनमा पुतलीले ठुलो क्षति पुर्‍याएको वरपरमा लगाइएको कृषि बालीमासमेत असर पुर्‍याउने जोखिम बढेको छ । बबई गाउँपालिकाभित्र रहेका पदमपुर, चित्तलगैरा, पूर्व हापुरे, सीम गैरा, खयरभट्टी, बाघदैला, पानीसवालगायतका सामुदायिक वनमा पुतलीले करिब ११ सय हेक्टर क्षेत्रफलमा रहेका लाथ्रा, बल्लाबल्ली, खावा, बुट्यानसमेत खाएर नष्ट गरेको छ । पुरन्धारा सवडिभिजन वन कार्यालय पूर्व हापुरेका प्रमुख वरिष्ठ वन अधिकृत खिमबहादुर केसीले मौसम परिवर्तन भएसँगै महुत प्रजातिको पुतलीले रुखको डाँठ, हाँगामा देखिने हरियो, चम्किलो अण्डा खसालेर नष्ट गर्ने कामको सुरुवात गर्र्न थालिएको बताउनुभयो । उहाँले जैविकरूपमा पानीको फोहोरा, चिप्लो पट्टी प्रयोग गरेर वयस्क मौथ, प्यूवा हटाइने बताउनुभयो । केसीका…

मकवानपुर । जुम्लामा किसानहरूले ‘मार्सी धान’ काट्न सुरू गरेका छन् । दसैँ सकिएसँगै किसानलाई धान भित्र्याउने चटारो सुरु भएको हो । जुम्लाका किसान मार्सी धान, सिमी भित्र्याउने काममा व्यस्त भएका छन् । पाकिसकेको धान समयमा नकाटेपछि झर्ने र गाईवस्तुले खाने डरले किसान अहिले खेतबारीमा भेटिन थालेका छन् । खलङ्गाको छिनासिम, देपालगाउँ, विमानस्थल क्षेत्र, सिँजा क्षेत्रका ज्युलोमा धान काट्ने काम सुरु भएको छ । यता चन्दननाथ नगरपालिका–४ सिंगाचौरका किसान श्री बहादुर सार्कीले काट्न सुरु गरिएको जानकारी दिनुभयो । कृषि विकास कार्यालय जुम्लाका निमित्त प्रमुख रामभक्त अधिकारीले जिल्लाका अधिकांश स्थानमा मार्सी धान काट्न सुरु गरिएको जानकारी दिनुभयो । स्थानीय तहमा मार्सी धान…

मकवानपुर । बाँकेको नेपालगन्जका विभिन्न सार्वजनिक स्थलमा पैसा माग्ने ९मागेर जीविका चलाउने०का कारण दैनिक यात्रा गर्ने यात्रुहरुलाई असहज भएको छ । नेपालगन्जको वडा नम्बर १ मा पर्ने धम्बोझी चोक, पुष्पलाल चोकलगायतका अत्यन्त व्यस्त सडकका चोकहरुमा कटौरा लिएर माग्दै हिँड्नेहरुका कारण दैनिकरुपमा यात्रा गर्ने यात्रुहरुलाई असहल हुँदै गएको हो । धम्बोझी चोकनजिक छोटो दूरीका गाडी लाग्ने स्थान तथा पुष्पलाल चोकस्थित छोटो तथा लामो दूरीका गाडी लाग्ने स्थानहरुमा जबरजस्ती पैसा माग्नेहरुले पैदल यात्रा गर्ने यात्रु, रिक्सामा यात्रा गर्ने यात्रु तथा सार्वजनिक सवारीसाधनमा यात्रा गर्ने यात्रुहरुसँग जबरजस्ती रुपियाँ पैसा मागेर हैरान बनाउँदै आएका छन् । प्रायः गरेर महिला तथा बालबालिकाहरु हातमा कटौरा लिएर…

मकवानपुर । सुनसरीको कोशी गाउँपालिका– १ लौकही सीमा नाकाबाट सशस्त्र प्रहरीले तीन लाख रुपियाँ बराबरको पटका नष्ट गरेको छ । आइतबार बिहान करिब ९ बजे सीमा नाका हुँदै लुकाएर ल्याएको अवस्थामा सशस्त्र प्रहरी लौकहीले पटका बरामद गरिएको हो । बरामद भएको पटकालाई स्थानीय जनप्रतिनिधि, सञ्चारकर्मी र प्रहरी प्रशासनको रोहवरमा नष्ट गरिएको सशस्त्र प्रहरी बल नेपाल बिओपी लौकहीका प्रमुख प्रहरी निरीक्षक मनीष कटुवालले जानकारी दिनुभयो । सशस्त्र प्रहरी निरीक्षक कटुवालको नेतृत्वमा खटिएको सशस्त्र प्रहरीको गस्ती टोलीले विशेष सूचनाको आधारमा पटका फेला पारेको थियो । विभिन्न १७ प्रकारका पटकाको अनुमानित मूल्य तीन लाखभन्दा बढी रहेको सशस्त्र उपरिक्षक केदारजङ्ग थापाले जानकारी दिनुभएको छ…

मकवानपुर । गत शुक्रबारको तुलनामा सुनको मूल्य तीन हजारले बढेको छ भने चाँदीको मूल्य पनि ४० ले वृद्धि भएको छ । नेपाल सुनचाँदी व्यवसायी महासङ्घका अनुसार शुक्रबार दुई लाख ३५ हजारमा कारोबार भएको एक तोला सुनको मोल आइतबार तीन हजारले बढेर दुई लाख ३८ हजार कायम भएको छ । सोही दिन एक तोला चाँदी रु तीन हजार ८५ मा खरिदबिक्री भएकामा आज त्यति नै परिमाणको चाँदी तीन हजार १२५ मा किनबेच भइरहेको छ । अन्तर्राष्ट्रिय बजारमा आज एक औँस सुन चार हजार १६ अमेरिकी डलरमा कारोबार भइरहेको अन्तर्राष्ट्रिय सञ्चारमाध्यमहरूले जनाएका छन् ।