अलगधार

मकवानपुर । पूर्व–पश्चिम राजमार्ग अन्ततर्गत हेटौँडा–१९ नेवारपानीमा ट्रेलर र ट्रक ठोकिएर दुर्घटना हुँदा एक जनाको मृत्यु भएको छ । शुक्रबार बिहान ६ बजेर १० मिनेटको समयमा हेटौँडाबाट चितवनतर्फ जाँदै गरेको ना ४ ख ९९२३ नम्बरको ट्रेलर र चितवनबाट वीरगञ्जतर्फ जाँदै गरेको बा।प्र। ०३–००१ ख ०३९८ नम्बरको खाली ट्रक एकआपसमा ठोक्किँदा दुर्घटना भएको जिल्ला प्रहरी कार्यालय मकवानपुरले जनाएको छ । दुर्घटनामा ट्रेलर चालक सर्लाहीको बरहथवा नगरपालिका–१५ पिपराभिट्टा घर भई हाल पर्साको वीरगञ्ज महानगरपालिका–२ छपकैया बस्दै आएका ३८ वर्षीय गोबिन्द चौधरी स्टेरिङमा च्यापिएको अवस्थामा फेला परेका थिए । उनलाई उपचारका लागि हेटौँडास्थित चुरेहिल अस्पताल लगिएकोमा अस्पतालले मृत घोषणा गरेको प्रहरीले जनाएको छ…

मकवानपुर । नेकपा एमालेका अध्यक्ष केपी शर्मा ओलीका पिता मोहनप्रसाद ओलीको निधन भएको छ। ९७ वर्षको उमेरमा शुक्रबार बिहान उनको निधन भएको हो। बिहान ३ बजे भक्तपुर गठ्ठाघरस्थित नेपाल–कोरिया मैत्री नगर अस्पतालमा निधन भएको अध्यक्ष ओलीको सचिवालयले जानकारी दिएको छ। सचिवालयका अनुसार अध्यक्ष ओलीका पिता केही दिनदेखि अस्वस्थ थिए। उनी छोरीको घरमा बस्दै आएका थिए। शारीरिक अवस्था जटिल भएपछि आज बिहान अस्पताल पुर्‍याइएकोमा चिकित्सकले मृत घोषणा गरेका हुन्। उनको पार्थिक शरीर केही बेरमा भक्तपुरस्थित अध्यक्ष ओली निवास गुण्डु लगिने र पशुपतिस्थित आर्यघाटमा आजै दाहसंस्कार हुने सचिवालयले जानकारी दिएको छ।

मकवानपुर । मकवानपुरको मकवानपुरगढी गाउँपालिका–१ लेनडाँडा स्थित कान्तिलोकपथ सडक खण्डमा दुई ट्रक एकआपसमा ठोक्किँदा एक चालक गम्भीर घाइते भएका छन्। शुक्रबार राति करिब ११ः३५ बजे हेटौंडाबाट काठमाडौँतर्फ जाँदै गरेको म प्र ०३–००२ ख ४६४१ नम्बरको सिमेन्ट लोड ट्रक र विपरीत दिशाबाट काठमाडौँबाट हेटौंडातर्फ आउँदै गरेको म।प्र।०३–००२ ख ४५०१ नम्बरको खाली ट्रक एकआपसमा ठोक्किएर दुर्घटना भएको प्रहरीले जनाएको छ। दुर्घटनामा सिमेन्ट बोकेको ट्रकका चालक सिन्धुली जिल्ला दुधौली नगरपालिका–१४ निवासी करिब २४ वर्षीय टुल्कु सिंह तामाङ गम्भीर घाइते भएका छन्। उनको बाहिरी चोट नदेखिए पनि अवस्था गम्भीर भएपछि उद्धार गरी उपचारका लागि हेटौंडा अस्पताल पठाइएको प्रहरीले जनाएको छ। घटनापछि खटिएको प्रहरी टोलीले…

मकवानपुर । मकवानपुरमा प्रहरीमाथि आक्रमण गरी घाइते बनाउने दुई जनालाई प्रहरीले पक्राउ गरेको छ भने एक जना प्रहरीको गोली लागेर घाइते भएका छन्। जिल्ला प्रहरी कार्यालय मकवानपुरका प्रहरी नायब उपरिक्षक पुस्कर बोगटीका अनुसार गएराती मनहरी गाउँपालिका–१ मकरी क्षेत्रमा लागुऔषध सेवन तथा झैझगडा भइरहेको भन्ने सूचना प्राप्त भएपछि प्रहरी चौकी पदमपोखरीबाट प्रहरी सहायक निरीक्षक दिलबहादुर तामाङको कमाण्डमा प्रहरी टोली खटिएको थियो। प्रहरी टोलीले घटनास्थलमा पुगेर संलग्न व्यक्तिहरूलाई सोधपुछ गर्ने क्रममा उनीहरूले अचानक प्रसनि तामाङमाथि बियरको बोतल, खुकुरी र बन्चरो प्रयोग गरी आक्रमण गरेका थिए। आक्रमणबाट प्रसनि तामाङको दुवै हातमा चोट लागी मध्यम घाइते भएको प्रहरीले जनाएको छ। आत्मरक्षाका लागि प्रसनि तामाङले…