स्थानीय तह विशेष

२०८२ माघ २१, बुधबार १०:०४ २०८२ माघ २१, बुधबार १०:०४

मकवानपुर बाट ३ हजारभन्दा बढी कर्मचारी खटिँदै

अलगधार0 CommentsBreaking News 1, राजनीति, समाचार, स्थानीय तह विशेष

मकवानपुर । आसन्न प्रतिनिधिसभा सदस्य निर्वाचनका लागि मकवानपुरमा तीन हजारभन्दा बढी कर्मचारी खटिने भएका छन् । दुई वटा निर्वाचन क्षेत्र रहेको यस जिल्लाको ३७४ मतदान केन्द्रमा स्वयंसेवकसहित तीन हजार ३६६ कर्मचारी निर्वाचन अवधिमा खटिने भएका हुन् । बागमती प्रदेश निर्वाचन कार्यालय हेटौँडाका प्रदेश निर्वाचन अधिकारी हरिप्रसाद ढकालले एउटा मतदान केन्द्रमा आयोगबाट छ जना कर्मचारी र मतदान केन्द्र रहेको स्थलमा तीन जना स्वयम् सेवक नियुक्त गरिने जानकारी दिनुभयो । निर्वाचन केन्द्रित जनशक्ति व्यवस्थापन कार्य अन्तिम चरणमा पुगेको भन्दै उहाँले निर्वाचन कार्यालयबाट दुई २४४ जना र मतदान केन्द्रमै नियुक्त हुने स्वयम् सेवक एक हजार १२२ जना कर्मचारी मतदान अवधिभर परिचालन हुने बताउनुभयो…

Read More

२०८२ माघ २०, मंगलवार ०६:०७ २०८२ माघ २०, मंगलवार ०६:०७

मकवानपुरमा माघ २५ बाट किशोरीहरूका लागि एचपीभी खोप अभियान

अलगधार0 Commentsसमाचार, स्थानीय तह विशेष

मकवानपुर । पाठेघरको मुखको क्यान्सर रोकथामका लागि मकवानपुर जिल्लामा यही माघ २५ गतेदेखि एचपीभी खोप अभियान सुरु हुने भएको छ। नेपाल सरकारको राष्ट्रिय खोप कार्यक्रम अन्तर्गत सञ्चालन हुने उक्त अभियानमा जिल्लाभरका किशोरीलाई लक्षित गरेर खोप लगाइने जनस्वास्थ्य कार्यालय मकवानपुरका निमित्त प्रमुख लक्ष्मण घिमिरेले जानकारी दिनुभएको छ। सोमबार हेटौँडामा सम्पन्न नियमित खोप तथा विद्यालय केन्द्रित एचपीभी खोप सम्बन्धी सञ्चारकर्मी र सरोकारवालाहरूसँगको बहस तथा अन्तरक्रिया कार्यक्रममा बोल्दै निमित्त प्रमुख घिमिरेले मकवानपुरका १० वटै स्थानीय तहमा कक्षा ६ मा अध्ययनरत १० वर्ष उमेर समूहका ४ हजार ४ सय ३ जना किशोरीलाई खोप लगाइने बताउनुभयो । उनका अनुसार, खोप अभियान फागुन १ गतेसम्म विद्यालय…

Read More

२०८२ माघ २०, मंगलवार ०४:५१ २०८२ माघ २०, मंगलवार ०४:५१

थाहा क्षेत्रमा दुर्लभ वन्यजन्तु पोथी चितुवा मृत फेला

अलगधार0 CommentsBreaking News 2, समाचार, स्थानीय तह विशेष

मकवानपुर । मकवानपुरमा एक पोथी चितुवा मृत फेला परेको छ । थाहा नगरपालिका–९ चित्लाङको महालक्ष्मी खोला किनारमा मृत फेला परेको हो । एक सय ७० सेन्टिमिटर लामो सो चितुवा करिब ४ वर्षको भएको अनुमान गरिएको छ । मृत चितुवा ३९ केजी तौलको छ । इलाका प्रहरी कार्यालय चित्लाङका अनुसार मुखबाट रगत बगेको अवस्थामा भेटिएको चितुवाको मृत्युको कारण खुलेको छैन । सो चितुवालाई मार्गिन सामुदायिक वन उपभोक्ता समूह, स्थानीय जनप्रतिनिधि लगायतको रोहवरमा चित्लाङस्थित गोदाम चौरमा व्यवस्थापन गरेको जिल्ला प्रहरी कार्यालय मकवानपुरले जनाएको छ ।

Read More

२०८२ माघ २०, मंगलवार ०४:४६ २०८२ माघ २०, मंगलवार ०४:४६

मकवानपुरमा घरको माथिल्लो तलाबाट खसेर वृद्धको मृत्यु

अलगधार0 CommentsBreaking News 1, समाचार, स्थानीय तह विशेष

मकवानपुर । माघ १४ गते आफ्नै घरको एक तला माथिबाट लडेका मकवानपुरको बागमती गाउँपालिका–५, लिलावनका ६४ वर्षीय दिलबहादुर घलानको मृत्यु भएको छ । आफ्नै घरको एक तल्लाबाट लडेर घाइते भएका दिलबहादुरलाई उपचारका लागि काठमाडौंस्थित नेपाल मेडिकल कलेज लगिएको थियो । माघ १५ गते दिलबहादुरलाई काठमाडौं मेडिकल कलेज सिनामंगल लगिएको थियो । सोमबार बिहान ५ बजेको समयमा दिलबहादुरको उपचारको क्रममा मृत्यु भएको बागमती प्रदेश प्रहरी कार्यालय मकवानपुरले जानकारी दिएको छ ।

Read More

२०८२ माघ १९, सोमबार ०५:४६ २०८२ माघ १९, सोमबार ०५:४६

भिमफेदी कारागारबाट फरार तीन कैदी पक्राउ

अलगधार0 CommentsBreaking News 2, समाचार, स्थानीय तह विशेष

मकवानपुर ।  जेन्जी आन्दोलनका क्रममा भिमफेदी कारागार तथा बालसुधार गृह हेटौँडाबाट फरार भएका तीन जना कैदी–बन्दीलाई प्रहरीले पक्राउ गरेको छ। गत भदौ २३ र २४ गते भएको आन्दोलनका बेला भिमफेदी कारागारबाट फरार भएका दुई जना कैदी र बालसुधार गृह हेटौँडाबाट फरार भएका एक जना बालकलाई जिल्ला प्रहरी कार्यालय मकवानपुरबाट खटिएको टोलीले खोजतलासका क्रममा शनिबार र आइतबार नियन्त्रणमा लिएको हो। पक्राउ पर्नेमा जबर्जस्ती करणी मुद्दाका बागमती गाउँपालिका–६ कैलेडाँडाका ३० वर्षीय मुन्ना स्याङ्तान र लागूऔषध ट्रामाडोल मुद्दाका हेटौँडा उपमहानगरपालिका–७ हरियालीका २२ वर्षीय विशाल गोले रहेका छन्। त्यसैगरी, बालसुधार गृह हेटौँडाबाट फरार भएका लागूऔषध ब्राउन सुगर मुद्दाका एक जना बालकलाई पनि प्रहरीले फेला…

Read More

२०८२ माघ १९, सोमबार ०५:४३ २०८२ माघ १९, सोमबार ०५:४३

लागुऔषध खैरो हेरोइनसहित मकवानपुरबाट विवेक पक्राउ

अलगधार0 CommentsBreaking News 1, समाचार, स्थानीय तह विशेष

काठमाडौं । मकवानपुरबाट प्रहरीले लागुऔषध खैरो हेरोइनसहित एक जनालाई पक्राउ गरेको छ। पक्राउ पर्नेमा बागलुङ घर भएका १९ वर्षीय विवेक घर्तीमगरलाई हेटौंडा उपमहानगरपालिका–१५ रातोमाटे क्षेत्रबाट आइतबार बिहान पक्राउ गरिएको हो। प्रहरी चौकी रातोमाटेबाट खटिएको टोलीले वीरगञ्जबाट हेटौंडा बजारतर्फ आउँदै गरेको बा.प्र.०३–००१ ज ०९२८ नम्बरको विद्युतीय गाडी जाँच गर्ने क्रममा उनलाई लागुऔषधसहित नियन्त्रणमा लिएको जनाएको छ । प्रहरीका अनुसार घर्तीमगरको साथबाट करिब १ ग्राम ६ सय ८० मिलिग्राम खैरो हेरोइन बरामद गरिएको छ।

Read More

२०८२ माघ १८, आईतवार ०५:०३ २०८२ माघ १८, आईतवार ०५:०३

महेश बर्तौलामा झल्को देखे गोकुल बास्कोटा : फागुन २१ प्रतिनिधि सभा निर्वाचन लक्षित ९१७ सदस्यीय परिचालन कमिटी गठन

अलगधार0 CommentsBreaking News 1, राजनीति, समाचार, स्थानीय तह विशेष

हेटौंडा । आगामी फागुन २१ गते हुने प्रतिनिधि सभा सदस्यको निर्वाचनलाई लक्षित गर्दै नेकपा (एमाले) थाहा नगर कमिटीले आफ्नो चुनावी तयारी तीव्र पारेको छ। शनिबार थाहा नगरस्थित जेसीस हलमा सम्पन्न नगरस्तरीय विस्तारित भेलाले निर्वाचनलाई थप व्यवस्थित र प्रभावकारी बनाउन बलराम बलको संयोजकत्वमा ९१७ सदस्यीय विशाल ‘निर्वाचन परिचालन कमिटी’ गठन गरेको छ। भेलाले निर्वाचनका विभिन्न पक्षलाई चुस्त बनाउन निम्न बमोजिम जिम्मेवारी बाँडफाँड गरेको छ। निर्वाचन परिचालन कमिटीको संयोजकमा बलराम बल, सह(संयोजकहरूमा चित्रबहादुर बलामी, अच्युतम ढकाल र कल्पना बलामी तथा सचिवमा सुरेन्द्रमान प्रधान चयन हुनुभएको छ। त्यसैगरी स्वयंसेवक परिचालनको जिम्मेवारी सुमन रायमाझीलाई प्रदान गरिएको छ भने प्रचार कमिटीको जिम्मेवारी सुजन रायमाझीलाई तोकिएको…

Read More

२०८२ माघ १८, आईतवार ०३:२९ २०८२ माघ १८, आईतवार ०३:२९

तेस्रो घरेलु उत्पादन प्रवर्द्धन प्रदर्शनी मेला सम्पन्न

अलगधार0 CommentsBreaking News 1, अर्थ, पर्यटक, मनोरञ्जन, समाचार, स्थानीय तह विशेष

१८ माघ/हेटौंडा । स्थानीय सीप, स्वाद र सिर्जनालाई एउटै थलोमा चिनाउने उद्देश्यसहित हेटौँडामा तेस्रो घरेलु उत्पादन प्रवर्द्धन प्रदर्शनी मेला सम्पन्न भएको छ । घरेलु उत्पादन प्रबर्धन गर्ने उद्देश्यसहित हेटौँडा उपमहानगरपालिका–१० नम्बर वडाले प्रदर्शनी आयोजनामा गरेकाे हाे । प्रदर्शनीमा उपमहानगरपालिकाका १९ वटै वडाबाट सहभागी स्टलहरूमा स्थानीय उत्पादनको विविधता झल्कने गरि ढाका, गुन्द्रुक, हस्तकला सामग्री, कृषिजन्य उत्पादनदेखि स्थानीय महिलाहरूले उत्पादन गरेका विविध सामग्रीहरू अवलोकन र खरिदका लागि राखिएका थिए । मेलाको समापन गर्दै बागमतीका पुर्वमन्त्री एवम् एमाले प्रमुख सचेतक एका लाल श्रेष्ठले स्थानीय उत्पादनको प्रयोग बढ्दै जानु सकारात्मक संकेत भएको बताउनुभयो ।  स्वदेशी उत्पादनले बजार नपाउने र विदेशी उत्पादनले बजार कब्जा गर्ने…

Read More

२०८२ माघ १३, मंगलवार ०४:४३ २०८२ माघ १३, मंगलवार ०४:४३

अवैध रूपमा ल्याइएका ७ गोरुसहित ट्रक चालक र सहचालक नियन्त्रणमा

अलगधार0 CommentsBreaking News 1, समाचार, स्थानीय तह विशेष

मकवानपुर । मकवानपुरको मनहरी गाउँपालिका–६ स्थित सुनाचुरी चेकपोष्ट अगाडि पूर्व–पश्चिम सडकखण्डमा अवैध रुपमा चौपाय ओसारपसार भइरहेको अवस्थामा एक मिनी आइचर ट्रकसहित दुई जनालाई नियन्त्रणमा लिइएको छ। चितवनबाट हेटौंडातर्फ आउँदै गरेको बा।प्र।०३–००१ ख १२२० नम्बरको मिनी आइचर ट्रकलाई रोकी चेकजाँच गर्ने क्रममा आवश्यक कागजपत्र बिना अवैध रुपमा ल्याइएका ७ वटा चौपाय ९गोरु० फेला परेको प्रहरीले जनाएको छ। नियन्त्रणमा लिइनेमा ट्रक चालक जिल्ला मकवानपुर हेटौंडा उपमहानगरपालिका–१५ निवासी २५ वर्षीय अखिल भण्डारी र सहचालक मनहरी गाउँपालिका–७ निवासी अन्दाजी ४२ वर्षीय खडक बहादुर विश्वकर्मा रहेका छन्। पक्राउ परेका दुवै व्यक्ति, ट्रक तथा चौपायलाई आवश्यक कारबाहीका लागि पशु सेवा केन्द्र हेटौंडा, मकवानपुर पठाइएको प्रहरीले जनाएको…

Read More

२०८२ माघ १२, सोमबार ०६:१९ २०८२ माघ १२, सोमबार ०६:१९

दिनेश श्रेष्ठको अध्यक्षतामा सात सदस्यीय कालिवन खानेपानी समिति गठन

अलगधार0 Commentsसमाचार, स्थानीय तह विशेष

मकवानपुर ।  मकवानपुरगढी–५ स्थित कालिवन खानेपानी संस्थाले चौथो साधारणसभा सम्पन्न गर्दै नयाँ कार्यसमिति चयन गरेको छ। सभाले दिनेश श्रेष्ठको अध्यक्षतामा सात सदस्यीय समिति गठन गरेको छ। नयाँ कार्यसमितिमा उपाध्यक्ष यतिराज आचार्य, सचिव पुण्यप्रसाद दहाल, कोषाध्यक्ष मिना श्रेष्ठ रहेका छन्। सदस्यहरूमा सावित्री घिमिरे, कमला न्यौपाने र चन्द्रकला गोले चयन भएका छन्। साधारणसभाले रामशरण धितालको संयोजकत्वमा लेखा समिति पनि गठन गरेको छ, जसमा भवानी लामिछाने र हरि दहाल सदस्य रहेका छन्। संस्थाले चालु अवधिमा करिब ३ लाख २२ हजार रुपैयाँ आम्दानी र २ लाख ७९ हजार रुपैयाँ खर्च गरेको जानकारी दिएको छ। सभामा अध्यक्ष श्रेष्ठले वार्षिक र आगामी योजनासहितको प्रतिवेदन प्रस्तुत गरे…

Read More