khabar khabar

मकवानपुर । नेपाल कम्युनिस्ट पार्टी (नेकपा) का संस्थापक महासचिव पुष्पलाल श्रेष्ठको ४८ औँ स्मृति दिवस बिहीबार हेटौँडामा पनि मनाइएको छ । नेकपा एमाले मकवानपुरले हेटौँडा–५ स्थित जिल्ला पार्टी कार्यालयमा स्मृति सभा आयोजना गरी श्रेष्ठको योगदानको चर्चा गर्दै स्मृति दिवस मनाएको हो । जिल्ला पार्टी कार्यालय अगाडि रहेको पुष्पलाल स्मृति पिस पार्कमा रहेको श्रेष्ठको शालिकमा पार्टी नेता तथा कार्यकर्ताहरूले माल्यार्पण गरेका थिए । कार्यक्रममा नेकपा एमालेका केन्द्रीय सदस्य एवम् मकवानपुर जिल्ला विकास समितिका पूर्व अध्यक्ष रामेश्वर राना मगरको प्रमुख आतिथ्यता रहेको थियो । वि. सं. २००६ साल वैशाखमा भारतको कोलकातामा निरञ्जनगोविन्द वैद्य, नारायणविलास जोशी, नरबहादुर कर्माचार्य र मोतीदेवी शाक्यसँग मिलेर पुष्पलालले…

मकवानपुर । हेटौँडा–२ स्थित सिद्धार्थ माध्यमिक विद्यालयको व्यवस्थापन समिति अध्यक्षमा रविना गोले सर्वसम्मत निर्वाचित हुनुभएको छ । बुधबार बसेको व्यवस्थापन समितिको बैठकले कक्षा–४ मा अध्ययनरत रोशिका मुक्तान र कक्षा–१० मा अध्ययनरत सांसरिका मुक्तानकी अभिभावक (आमा) गोलेलाई सर्वसम्मत अध्यक्ष चयन गरेको हो । यसअघि साउन २ गते सम्पन्न निर्वाचनबाट व्यवस्थापन समिति सदस्यमा गोलेससहित सरिता दाहाल, अशोक पण्डित र शिवप्रसाद अगस्ती निर्वाचित हुनुभएको थियो । व्यवस्थापन समितिको बैठकबाट शिक्षक अभिभावक संघ पनि गठन गरिएको विद्यालयका प्रधानाध्यापक टिकाप्रसाद दाहालले जानकारी दिनुभयो । ध्रुब देवकोटाको संयोजकत्वमा ११ सदस्यीय शिक्षक अभिभावक संघ गठन गरिएको छ । संयोजक देवकोटासहित ७ जना अभिभावक र ४ जना शिक्षक…

बागमती प्रदेशमा गत आर्थिक वर्ष ४४ सडक पुल निर्माण सम्पन्न भएका छन्। बागमती प्रदेश सरकार भौतिक पूर्वाधार विकास मन्त्रालयअन्तर्गत विनियोजित कूल रकममध्ये ६३.४० प्रतिशत खर्च भएको मन्त्रालयका प्रवक्ता मदनकुमार आले मगरले जानकारी दिए। मन्त्रालयअन्तर्गत सोही अवधिमा १३६.६६ किमी ग्राभेल सडक स्तरोन्नति, २३१.३१ किमी कालोपत्रे÷ढलान सडक निर्माण, छवटा झोलुङ्गे (पैदलयात्री पुल), १७ सरकारी भवन, १०२सामुदायिक भवन, ९४० विभिन्न कार्यक्रममार्फत आवस निर्माणसँगै १७ वटा उद्यान निर्माण सम्पन्न भएको मन्त्रालयले जनाएको छ। मन्त्रालयअन्तर्गत ४१ रुग्ण आयोजनामध्ये सातवटा सम्पन्न भइसकेको छ भने २३ वटाको निर्माण कार्य सुचारु गराई कार्यासम्पादनमा तीव्रता ल्याइएको छ। बाँकी निर्माण कार्यको लागि ११ को सुचारु ग्र्न आवश्यक समन्वय भइरहेको र…

काठमाण्डाै । बागमती प्रदेश सरकारमा सहभागी नेकपा एमालेका ६ जना मन्त्रीले सामूहिक रूपमा राजीनामा दिएका छन् । मुख्यमन्त्री इन्द्रबहादुर बानियाँसमक्ष मन्त्रीहरूले आज सामूहिक राजीनामा दिएका हुन् । एमाले बागमती प्रदेश संसदीय दलका नेता जगन्नाथ थपलियाले मुख्यमन्त्री बानियाँलाई सम्बोधन गर्दै पठाएको पत्रमा पार्टीबाट सरकारमा सहभागी सबै मन्त्रीले आजकै मितिदेखि लागू हुने गरी संयुक्त रूपमा राजीनामा दिएको उल्लेख छ । बागमती सरकारमा एमालेबाट मधुसूदन पौडेल, डा. दिनेशचन्द्र देवकोटा, जयराम थापा, भरतबहादुर केसी, किरण थापा र बिन्दु श्रेष्ठ मन्त्री हुनुहुन्थ्यो । बागमतीमा कांग्रेस र एमालेको संयुक्त सरकार रहेकोमा एमालेले समर्थन फिर्ता लिएसँगै मुख्यमन्त्री बानियाँ अल्पमतमा पर्नुभएको छ ।

हेटौंडा । बागमती प्रदेशमा करिब दुई वर्षदेखि कायम कांग्रेस–एमाले सत्ता समीकरण अन्त्य हुने भएको छ। नेकपा एमालेले आज सरकारबाट आफ्ना सबै मन्त्री फिर्ता बोलाउँदै सरकारलाई दिएको समर्थन पनि फिर्ता लिने निर्णय गरेसँगै प्रदेशको सत्ता समीकरण फेरि एकपटक परिवर्तनको चरणमा पुगेको हो। एमालेबाट सरकारमा सहभागी ६ जना मन्त्रीले आज मुख्यमन्त्री इन्द्रबहादुर बानियाँलाई भेटेर सामूहिक रूपमा राजीनामा बुझाउने तयारी गरेका छन्। एमालेबाट सरकारको नेतृत्व गरिरहेका कृषि, पशुपन्छी, वन तथा वातावरण मन्त्री मधुसूदन पौडेलका अनुसार पार्टीको स्पष्ट निर्देशनपछि सबै मन्त्री हेटौंडा पुगिसकेका छन् र आजै राजीनामा बुझाइनेछ। एमाले अध्यक्ष केपी शर्मा ओली र नेपाल कम्युनिस्ट पार्टी (माओवादी केन्द्र)का अध्यक्ष पुष्पकमल दाहाल ‘प्रचण्ड’बीच सोमबार प्रदेश…