khabar khabar

काठमाण्डौ । आज काठमाण्डौ उपत्यकासहित ३० जिल्लामा बाढीको जोखिम छ । बाढी पूर्वानुमान महाशाखाका अनुसार आज काठमाण्डौ, भक्तपुर, ललितपुर, दोलखा, सिन्धुपाल्चोक, काभ्रेपलाञ्चोक,  नुवाकोट, लमजुङ, कास्की, म्याग्दी, बाग्लुङमा आकस्मिक बाढीको मध्यम जोखिम  छ । यसै गरी ताप्लेजुङ, इलाम, झापा, धनकुटा, भोजपुर, मोरङ, सुनसरी, बाँके, संखुवासभा, सोलुखुम्बु,  उदयपुर, जाजरकोट, रुकुम पूर्व, रुकुम पश्चिम,  सुर्खेत, दार्चुला, बैतडी, अछाम, डोटी र आसपासका जिल्ला भई बहने स–साना नदीहरूको बहाव उल्लेख्य बढ्ने र आकस्मिक बाढीको मध्यम जोखिमको सम्भावना रहेको महाशाखाले जनाएको छ । विशेष गरी नदी तटीय क्षेत्र, पहिरोको जोखिम रहेका ठाउँ अनि यात्राका बेला चनाखो रहन मौसम पूर्वानुमान महाशाखाले अनुरोध गरेको छ । महाशाखाका अनुसार…

काठमाण्डौ । हिजो घटबढ नभएको सुनको भाउ आज तोलामा सामान्य घटेको छ । सुन तोलामा २ सय रुपैयाँले घटेर प्रतितोला २ लाख ८३ हजार ८ सय रुपैयाँमा कारोबार भइरहेको नेपाल सुनचाँदी व्यवसायी महासंघले जनाएको छ । हिजो घटबढ नभएको सुनको भाउ आज सामान्य मात्रै घटेको  हो । अस्ति आइतवार सुनको भाउ प्रतितोला २ लाख ८४ हजार  रुपैयाँ थियो । यस्तै, चाँदीको भाउ तोलामा ६ सय ५ रुपैयाँले घटेको छ । हिजो ४० रुपैयाँले बढेको चाँदीको भाउ आज ६ सय ५ रुपैयाँले घटेर तोलाको ३ हजार ७ सय ५५ रुपैयाँमा कारोबार भैरहेको महासंघले जनाएको छ । हिजो चाँदी प्रतितोला ४ हजार…

काठमाण्डौ । देशका धेरै ठाउँमा आज पनि पानी पर्ने मौसम पूर्वानुमान महाशाखाले जनाएको छ । महाशाखाका अनुसार कोशी, बागमती र गण्डकी प्रदेशका हिमाली र पहाडी भेग तथा लुम्बिनी र सुदूरपश्चिम प्रदेशको पहाडी र तराई भेगका एक–दुई ठाउँमा मुसलधारे वर्षाको सम्भावना छ । राति पनि कोशी, बागमती र गण्डकी प्रदेशका हिमाली र पहाडी भेग तथा मधेश प्रदेशको एक–दुई ठाउँमा ठूलो सम्भावना रहेको महाशाखाले जनाएको छ । अरु ठाउँका हल्कादेखि मध्यम वर्षाको सम्भावना छ । मुसलधारे वर्षाको सम्भावना रहेका क्षेत्रमा गेग्रान बहाव, बाढी, पहिरो र भूक्षयबाट हुने जोखिमलाई ध्यानमा राखी सतर्कता अपनाउन महाशाखाले आग्रह गरेको छ । प्रतिकूल मौसमका कारण दैनिक जनजीवन,…

काठमाण्डौ । रोमानियामा रेल दुर्घटनामा परी दुई जना नेपालीको ज्यान गएको छ । रोमानियाका सञ्चारमाध्यमले २५ र ३६ वर्षका नेपाली नागरिक रहेका तर परिचय भने खुल्न बाँकी रहेको जनाएका छन् । उनीहरू हिँड्दै गर्दा रेलले ठक्कर दिएको बताएको छ । रोमानिया समेत कार्यक्षेत्र रहेको बर्लिनमा रहेको नेपाली राजदूतावासले पनि दुर्घटनाबारे जानकारी आएको तर ज्यान गुमाउनेको पहिचान भई नसकेको जनाएको छ । दुर्घटना रोमानियाको राजधानी बुखारेस्टबाट ३०८ किलोमिटर टाढा पर्ने बाकाउ सहरको चिमीई रेल सडक खण्डमा आइतबार बिहान भएको हो । रोमानियामा झण्डै ५० हजार नेपाली कामदार रहेका अनुमान छ ।

काठमाण्डौं । हप्ताको पहिलो कारोबार दिन आज शेयर बजार सामान्य घटेको छ । शेयर बजार परिसूचक नेप्से आज ३.६२ अङ्कले घटेर २ हजार ६८१.९१ विन्दुमा झरेको छ । आज फाइनान्स, लगानी, उत्पादन, अन्य र व्यापार समूहको शेयर घटेकोमा सबैभन्दा धेरै उत्पादन समूह ६१ अङ्कले घटेको छ । आज १४० वटा कम्पनीको शेयर घटेकोमा १२८ वटा कम्पनीको बढेको छ । यस्तै ६ वटा कम्पनीको शेयर भने घटबढ भएको छैन । आज एभरेस्ट कलरको शेयर १५ प्रतिशतले बढेको छ । समग्रमा बजार बढेको दिन केबीएल डिवेन्चर २०८६ को शेयर झण्डै ९ प्रतिशतले घटेको छ । आज नेप्से घटे पनि कारोबार रकम भने…

मकवानपुर ।  मुग्लिन–नारायणगढ सडकखण्डअन्तर्गत नाम्सी नयाँ पुलमा माथिबाट ढुंगा खस्दा सडक एकतर्फी अवरुद्ध भएको छ। सडक डिभिजन भरतपुरका अनुसार ढुंगा खसेपछि सुरक्षाका कारण नयाँ पुलबाट सवारी आवागमन रोकिएको छ भने पुरानो पुलबाट मात्र एकतर्फी रूपमा सवारी सञ्चालन भइरहेको छ। अवरुद्ध सडक खुलाउन सडक डिभिजनले पहिरो तथा ढुंगा हटाउन आवश्यक उपकरण परिचालन गरिसकेको जनाएको छ। सडकलाई पुनः दुवैतर्फी सञ्चालनमा ल्याउन करिब १ देखि २ घण्टा लाग्ने अनुमान गरिएको छ। सडक डिभिजन भरतपुरले यात्रुको सुरक्षालाई प्राथमिकतामा राख्दै पुरानो पुलबाट मात्र एकतर्फी सुरक्षित यात्रा गर्न चालक तथा यात्रुलाई अनुरोध गरेको छ। साथै, सडक पूर्ण रूपमा सञ्चालनमा नआउञ्जेल सावधानी अपनाएर यात्रा गर्न पनि आग्रह…

मेडिकल व्यवसायी दुर्गा प्रसाईं पुन: पक्राउ परेका छन् । उपत्यका अपराध अनुसन्धान कार्यालय टेकु र जिल्ला प्रहरी परिसर कार्यालय भक्तपुरको टोलीले उनलाई भक्तपुरस्थित निवासबाटै आइतबार राति पक्राउ गरेको हो । परिस्थिति थप भड्काउने काम गरेको आरोपमा उनलाई पक्राउ गरिएको प्रहरी स्रोतले जनाएको छ । प्रसाईं राष्ट्र, राष्ट्रियता, धर्म, संस्कृति र नागरिक बचाउ महाअभियान नेपालका संयोजक हुन् । उनी विभिन्न आरोपमा यसअघि पनि पटक पटक पक्राउ पर्दै आएका छन् ।